Archives for posts with tag: lalola philippines
Advertisements
JC de Vera says change of love team is necessary risk

Nonie V. Nicasio

Thursday, July 3, 2008
01:10 PM

Rating

Aminado si JC de Vera na may risk sa pakikipagtambalan niya kay Rhian Ramos sa bagong romantic-comedy TV series na La Lola na pagbibidahan ng tisay na aktres.

Nilinaw din ni JC na hindi naman talaga totally bubuwagin ang tambalan nila ni Yasmien Kurdi dahil sa bago nilang show na ito ni Rhian.

“Magpapahinga lang po, kasi, mayroon pa kaming upcoming movie ni Yas sa Regal, by September ito ipalalabas. Kaya hindi ko rin masabi na tapos na, siguro after nitong La Lola, after naming magpahinga ng isang show, siguro babalik naman talaga yung tambalan namin,” panimula ni JC sa PEP (Philippine Entertainment Portal).

“Sa totoo lang, sa palagay ko risky talaga na i-partner ako sa iba. Pero sa tingin ko, kailangan din naming mag-grow at maging independent. Feeling ko, kailangan lang talaga namin ng break, para hindi kami magkaroon ng identity na, si Yas parating kadikit ni JC, o si JC parating kadikit si Yas.

“So, at least ngayon, mape-pair kami sa iba, and kapag na-pair ako kay Rhian, solo ko na ang pangalan ko. Si JC na iyon at hindi na kakabit ni Yas,” pahabol pa niya.

QUIET ABOUT RAINIER-YASMIEN REUNION. Nagpapasalamat naman si JC sa fans na supportive pa rin sa kanya kahit mag-iba siya ng kapareha. Idinagdag pa ng aktor na nang nakipag-tambal ulit si Yas kay Rainier Castillo via Tasya Fantasya ay wala namang narinig sa kanya.

“Nagbabasa ako ng mga forum, sa PEP, sa iGMA, may ibang fans na hindi pa talaga matanggap na maghihiwalay kami ni Yas at mapupunta ako kay Rhian. Pero may ilang supporters naman na ipinagtatanggol ang side ko na hindi naman daw all the time ay kailangang kaming dalawa ang laging magka-partner.

“And noong si Yasmien daw, bumalik kay Rainier, sabi nila, wala naman akong sinabi. Which is true, wala silang narinig sa akin nang i-partner siya kay Rainier sa Tasya Fantasya, hindi ba? Wala silang narinig sa akin, kaya slowly nare-realize nila na kailangan naming magpahinga ni Yas at kailangang bigyan din ako ng time sa sarili ko. At least ako naman, titingnan ko o kakayanin ko na wala si Yas,” saad pa ng young actor.

“Parang experiment lang naman ito, e. Actually, sabi rin ni Yas, experiment lang naman din ito. And ayaw din ni Tita Annabelle [Rama, his manager] na mag-stuck ako sa isa. Parang si Richard [Gutierrez], na kung mag-stick man siya sa isang love team, para sa isa o dalawang show lang and then, after nun, iba na uli [ang ka-love team].

“Gusto kasi ni Tita Annabelle na mag-evolve ako na katulad ng ibang leading man ng GMA like sina Dennis [Trillo], Dingdong [Dantes]… na kailangan na hindi talaga ako naka-stick sa isang leading lady lang.”

Ayon pa kay JC, naiintindihan niya rin si Yas kung manghinayang man ang young star sa love team nila.

“Feeling ko,. nanghihinayang din siya sa love team namin. Pero siguro, hindi pa lang masyadong nakikita ni Yas yung positive and negative side nito, yung both sides. Kasi parang ang sa isip niya, maiinit pa, e, so habang mainit [yung love team], kailangan tira kami nang tira. Pero na-explain na kasi sa akin ng management, sina Ms. Annette Gozon, sina Ms. Wilma Galvante, sila na rin ang nagsabi sa akin na kailangang mag-break muna kami ni Yas.

“Kasi, parang risky rin na lumipat ako ng love team at risky rin na mag-stay ako kay Yas dahil mawawalan na ako ng identity talaga.”

Anong assessment niya sa kanilang tambalan ni Rhian?

“I think magiging okey kami ni Rhian. Yung working relationship namin ay tulad din ng kay Yas na magiging okey rin. Pero kung tatanungin ako kung sa tingin ko ba sa sarili ko ay magkakaroon ako ng personal involvement kay Rhian, sa tingin ko, hindi. Ano lang…pure work lang talaga, magiging professional lang kami.

“Nakausap ko rin kasi si Rhian about sa pagiging mag-love team namin and game naman siya at hindi kinakabahan. Si Rhian kasi, alam ko na naman ang kakayahan niya, magaling siyang umarte.

“Pero siguro, darating din ang time na iko-compare sila, and masasabi ko na magka-iba sila. Iba yung field ni Yas at iba yung field ni Rhian. Nakita ko na kasi yung pagiging serious ni Yas, iyong pagiging dramatic actress niya. Si Rhian hindi pa, siguro hindi pa siya tapos sa mga pa-tweetums, sa mga pa-cute na role. Kasi, once na nabigyan siya ng heavy role, doon mag-e-evolve ang pagiging seryoso niyang aktres,” mahabang paliwanag pa ni JC.

WHATEVER THE FANS SAY. Message niya sa fans nila ni Yas?

“Sana ay huwag silang ma-disappoint, hindi kami mawawala at lagi lang kaming narito. And since malakas yung fans—I mean, dahil sa kanila kaya nabubuo yung love team—dahil sa fans din kaya magkakabalikan din ang love team namin ni Yas. I’m sure, pakikinggan naman ng management kapag nandiyan yung clamor ng fans, e,” pagwawakas ng young actor.

kyupayb is offline Reply With Quote

[

Rhian Ramos “borrows” JC de Vera from Yasmien Kurdi for her new TV show “La Lola”

NonieV. Nicasio

Image Hosted by ImageShack.us

Aminado si Rhian Ramos na matindi ang nararamdaman niyang pressure para sa forthcoming TV program na La Lola. Maituturing kasing isa ito sa biggest project ng dalaga.

Gayunpaman, sinabi niyang naniniwala siyang talagang tailor-made para sa kanya ang gagampanang kakaibang role dito.

“Sa totoo lang po, nakapalaki talaga ng pressure sa akin. Pero at the same time naman, noong nalaman ko kung ano yung proyekto, noong nagawa ko pa lang bale iyong teaser, sa tingin ko ay ito na talaga iyong role na babagay sa akin. Ito talaga iyong role na swak sa akin dahil light-comedy ito na kakaiba talaga,” panimulang pahayag ng tisay na young star sa PEP (Philippine Entertainment Portal) matapos niyang tumanggap ng tropeyo ng award na Breakthrough Performance by an Actress sa ginanap na 5th Golden Screen Awards ng EnPress sa Zirkoh Greenhills last Tuesday night, ika-24 ng Hunyo, 2008.

MAN TURNED TO A WOMAN. Nagkuwento pa si Rhian ng background ng bago niyang TV show sa GMA-7.

“Ito pong LaLola, isa siyang Argentinian soap opera na may isang lalaking sobrang babaero, and yung ex-girlfriend niya na banas na banas sa kanya ay pinakulam siya. Kaya isang araw, nagising na lang siya na isang babae na, at ako iyon,” nakangiting esplika ni Rhian.

“Hindi tomboy, ha. Parang mula sa, originally sa pagiging lalaki, naging babae ako,” paglilinaw pa niya. “So, parang physically ay babae ako, pero sa loob ay lalaki. Kasi lumaki akong lalaki. I was born a boy, ‘tapos one day, nagising na lang nga ako, nakita ko ang sarili ko sa salamin na babae na.

“Si JC [de Vera] naman, hindi siya yung lalaking version ko. Siya, actually, yung manliligaw sa akin.”

HAPPY WORKING WITH JC. So, ano ang masasabi niya sa bagong ka-love team na si JC?

“E di masaya,” nakatawang wika niya. “I mean, siyempre lagi naman akong masaya kapag may bagong project at may bagong makakatrabaho. Pero actually, nakatrabaho ko na siya before sa Captain Barbell at sa Ouija.

“Okey naman kami working together, pero sa tingin ko, we’re gonna be spending a lot more time together, which is no problem siyempre. Ngayon nga, I’m excited na about the project, e.”

A YASMIEN-JC FAN. Ano naman kaya ang masasabi niya sa fans nina Yasmien Kurdi at JC na nag-aalalang tuluyan nang mawala ang love team ng kanilang mga idolo dahil sa kanya?

“Ako po, hindi ako nakikipag-compete. I mean, kahit naman ako, fan ng JC-Yasmien tandem. Maganda naman kasi talaga ang chemistry nila, e. Pero, ako siyempre, kung binigyan ako ng project ng GMA, sino ba ako para tumanggi, hindi ba?

“Management naman ang nag-decide riyan at siguro, para na rin kay JC. Kung binigyan siya ng project na ito, hindi naman din niya iyon matatanggihan, e, ‘di ba?”

BORROWING JC. Sa tingin ba niya ay nag-e-experiment ang GMA-7 sa pagpapareha sa kanila ni JC?

“Siyempre lahat naman ng season, gusto nilang ipakita sa viewers nila na laging may bago at hindi iyong pare-pareho lang lagi. Hindi rin naman kasi puwede iyong ganoon, hindi ba?

“So, siguro ay ito lang yung parang break-time nila [Yas-JC tandem]. Kumbaga, naka-break lang sila, and I’m sure naman na babalik ulit ang love team nila.”

Idinagdag pa niyang temporary lang ito at “hihiramin” lang muna niya ang aktor sa fans nina Yas at JC.

“Of course, hindi naman ibig sabihin nito ay kami na ang magka-love team forever. Parang hiram lang, dito lang yun, para sa project na ito lang bale iyon. At saka hindi ito masasabing solid na pair, e. Kasi nga, lalaki naman talaga ako rito sa La Lola. Hindi ba, parang weird nga kung lalaki sa lalaki, ‘di ba?

ASSURING THE FANS. “So, hindi nga puwedeng maging solid na pair kami rito ni JC, kaya hindi dapat matakot ang mga JC-Yasmien fans because very successful naman talaga ang JC-Yasmien pair, e.

“Hindi ba may movie pa nga sila? Kaya hindi ako magiging sagabal doon at hindi ko sisirain ang love team nila.

“Sa totoo lang, ang lakas talaga ng chemistry nila. Kakaiba at masarap silang panoorin. Ang gagaling nilang magdrama, e. Kaya ako, kahit naman ako, ayokong sirain ang ganoong klaseng kalakas na chemistry,” pagtatapos ng tisay na aktres.

Image Hosted by ImageShack.us